დიდ ბრიტანეთში, მედიცინისა და ჯანდაცვის პროდუქტების რეგულაციის სააგენტომ დაამტკიცა პირველი აბი, რომელიც კორონავირუსის სიმპტომებს კურნავს. ინფორმაცია, დიდი ბრიტანეთის მთავრობის გვერდზე ვრცელდება.
ლაგევრიო, იგივე მოლნუპირავირი, მსოფლიოში კორონავირუსის საწინააღმდეგო პირველი მედიკამენტია, რომლის მიღებაც სახლში, ტაბლეტის სახით, პირის ღრუდან შეიძლება და არა მაგალითად, ინექციის გზით.
BREAKING NEWS: A #COVID19 antiviral that can be taken at home has been approved for use across the UK by @MHRAgovuk
Molnupiravir will soon be offered to patients in a national study to help protect those most at risk from the virus over the winter.
More: https://t.co/YtZaaBJrw8 pic.twitter.com/J5g8cCC6mL
"დღეს ჩვენი ქვეყნისთვის ისტორიული დღეა, რადგან დიდი ბრიტანეთი მსოფლიოში პირველი ქვეყანაა, რომელმაც დაამტკიცა ანტივირუსული მედიკამენტი, რომლის მიღებაც კორონავირუსის სამკურნალოდ სახლშიც შეიძლება" , - ამბობს დიდი ბრიტანეთის ჯანდაცვისა და სოციალური საკითხების მდივანი საჯიდ ჯავიდი.
BREAKING NEWS:
The UK has become the first country in the world to approve a COVID-19 antiviral - @MSDintheUK's #molnupiravir.
Great news from the @MHRAgovuk which will benefit the country's most vulnerable - we're now working at pace to deploy it to patients. pic.twitter.com/FCMRkMiUP9
აღსანიშნავია, რომ მედიკამენტი ვერ ჩაანაცვლებს კორონავირუსის საწინააღმდეგო ვაქცინაციას.
წამალმა ავტორიზაცია მიიღო რისკ ჯგუფებისთვის, როგორიცაა 60 წელს გადაცილებული პაციენტები და დაავადებები - სიმსუქნე, დიაბეტი, გულსისხლძარღვთა პათოლოგიები. კორონავირუსით დაავადებულ მოწყვლად ჯგუფებს მედიკამენტს დღეში ორჯერ მისცემენ.
ცდებმა აჩვენა, რომ მოლნუპირავირი კურნავს გრიპის სიმპტომებს, ასევე, ნახევრამდე ამცირებს ჰოსპიტალიზაციის და სიკვდილის რისკებს.
მედიკამენტი ორგანიზმში ვირუსის გამრავლებას უშლის ხელს, რადგან აბში შემავალი ნივთიერება მიზანში იღებს და ანადგურებს კორონავირუსის იმ ფერმენტს, რომელსაც ვირუსი საკუთარი ასლების შექმნისთვის იყენებს.
მოლნუპირავირის შემქმნელი ფარმაცევტული კომპანია Merck მიიჩნევს, რომ მედიკამენტი ეფექტური იქნება კორონავირუსის ყველა იმ ვარიანტის წინააღმდეგ, რომლებიც შეიძლება მომავალში გამოჩნდეს.
მედიკამენტის ეფექტურობა ყველაზე მაღალი დაავადების ადრეულ სტადიაზეა. ექიმების რეკომენდაციით, აბის მიღება სასურველია კორონავირუსის დადასტურებიდან, რაც შეიძლება მალე.
დიდი ბრიტანეთის მთავრობა და ჯანდაცვის უწყება მუშაობენ, რომ წამალი უფრო დეტალურად შეისწავლონ და მისი გამოყენება ქვეყნის გარეთაც გახდეს შესაძლებელი.
დახურვა