შსს-მ დიდუბეში 3 ადამიანის დაჭრისთვის 1994 წელს დაბადებული კაცი დააკავა.
შემთხვევა 19 თებერვალს, გვიან ღამით მოხდა.
უწყების ცნობით, ბრალდებულ თ.ბ.-ს თბილისში, მეტროსადგურ დიდუბის მიმდებარე ტერიტორიაზე სავარაუდოდ ალკოჰოლური ზემოქმედების ქვეშ მყოფ, მისთვის უცნობ კაცებთან შელაპარაკება მოუვიდა, შედეგად თ.ბ.-მ 3 პირს ცივი იარაღის გამოყენებით სხეულზე დაზიანებები მიაყენა და შემთხვევის ადგილიდან მიიმალა.
დაჭრილები სამედიცინო დაწესებულებაში გადაიყვანეს.
პოლიციამ დანა ნივთმტკიცებად ამოიღო.
დანაშაული 16-დან 20 წლამდე ან უვადო თავისუფლების აღკვეთას ითვალისწინებს.
გამოძიება ორი ან მეტი პირის განზრახ მკვლელობის მცდელობის ფაქტზე მიმდინარეობს, სისხლის სამართლის კოდექსის 19-109-ე მუხლის მე-3 ნაწილის "ა" ქვეპუნქტით.
დახურვა