უკრაინის ვიცეპრემიერის, ირინა ვერეშჩუკის განცხადებით დონბასიდან პირველი მატარებელი კროპივნიცკიში, კიროვოგრადის რეგიონში, უკვე ჩავიდა.
"ქალები, ბავშვები, მოხუცები, შშმ პირები. ყველას შეხვდნენ, ყველას დაეხმარნენ."- წერს ვერეშჩუკი.
კიროვოგრადის ადმინისტრაციის ხელმძღვანელმა, ანდრეი რაიკოვიჩმა განაცხადა, რომ ევაკუირებულ ადამიანებს საერთო საცხოვრებლებში, სკოლებსა და საბავშვო ბაღებში გაანაწილებენ.
"დროთა განმავლობაში, შესაძლოა, კერძო სახლებშიც გავანაწილოთ. მოლაპარაკებას ვაწარმოებთ ხალხთან." - თქვა რაიკოვიჩმა.
რაიკოვიჩის თქმით, ამ დროისთვის კიროვოგრადის რეგიონში 90 ათასი მიგრანტი ცხოვრობს და რეგიონს შეუძლია მეტი ადამიანის მიღება.
უკრაინის ხელისუფლების ვარაუდით, დონბასიდან 220 000-ზე მეტი ადამიანის ევაკუაციაა საჭირო, მათ შორის დაახლოებით 50 000 ბავშვია.
მინისტრთა კაბინეტმა დონბასიდან მოქალაქეების სავალდებულო ევაკუაციის შტაბის შექმნის გადაწყვეტილება 29 ივლისს მიიღო. შტაბს ქვეყნის ვიცეპრემიერი, ირინა ვერეშჩუკი ხელმძღვანელობს.
დახურვა