თავდაცვის სამინისტრო ტელეკომპანია ფორმულას მანიპულაციაში ადანაშაულებს.
ლაპარაკია გადაცემა დროებაში გასულ რეპორტაჟზე, რომელიც უწყების უკრაინელ პარტნიორზე მოგვითხრობდა.
უმსხვილესი სამხედრო წარმოების უკრაინულმა ქარხანა მოტორ სიჩ-მა თავდაცვის სამინისტროსთან გააფორმა მემორანდუმი, რომელიც მხარეებს შორის თანამშრომლობის გაღრმავებას გულისხმობს. მოტორ სიჩ-ი არაერთ სკანდალში ფიგურირებს, მათ შორის - კომპანიის საკონტროლო პაკეტის მფლობელი ჩინური კომპანია შეერთებული შტატების სანქციების ქვეშ მოექცა თბილისში მისი პრეზიდენტის ვიზიტამდე 6 დღით ადრე.
“მოტორ სიჩ”-ის დირექტორს კი უკრაინული მედია სხვადასხვა მაქინაციაში ადანაშაულებს, მათ შორის, - სანქციების მიუხედავად რუსეთისთვის სამხედრო ტექნიკის შეკეთებასა და მიწოდებაში.
რაც შეეხება, რეპორტაჟში სპეციალისტების მიერ გამოთქმულ მოსაზრებას, რომ უმჯობესია საქართველომ საბჭოთა ავიაპარკი ნატოს სტანდარტების ტექნიკით ჩაანაცვლოს და რუსეთზე თუნდაც ირიბი დამოკიდებულება შეამციროს: დროებამ ამაზე თავდაცვის სამინისტროს დამატებითი განმარტებებისთვის მიმართა, თუმცა ინტერვიუზე უარი მიიღო. რეპორტაჟში კი სრულად იყო წარმოდგენილი პოზიცია, რომელიც დროებას თავდაცვის სამინისტროს საზოგადოებასთან ურთიერთობების დეპარტამენტმა მიაწოდა.
დახურვა