ბოლივიის ყოფილი პრეზიდენტი ევო მორალესი მექსიკაში ჩავიდა. მორალესი განმარტავს, რომ ქვეყანაში თავშესაფარი უკვე მოითხოვა, რადგან ჩათვალა, რომ მის სიცოცხლეს საფრთხე ემუქრებოდა. პარალელურად ბოლივიის თვითგამოცხადებული პრეზიდენტი მხარდამჭერებს შეხვდა. მოსახლეობის ნაწილი საპროტესტო აქციებს ყოფილი პრეზიდენტის დაბრუნების მოთხოვნით მართავს. მორალესი თანამდებობიდან კვირას გადადა. მეოთხე ვადით გაპრეზიდენტების მიუხედავად მოსახლეობის დიდმა ნაწილმა მისი გამარჯვება არ ცნო და გადადგომა მოითხოვა. ის ბოლივიას 14 წელი მართავდა. მისი გადადგომის მოთხოვნით აქციები ოქტომბრის არჩევნების შემდეგ დაიწყო.
დახურვა