ევროკომისარი ენერგეტიკის საკითხებში, კადრი სიმსონი აცხადებს, რომ უკრაინაში ენერგეტიკული ინფრასტრუქტურის 40% არ მუშაობს.
სიმსონის თქმით, ევროკავშირი ყველა ღონეს ხმარობს, რათა დაეხმაროს უკრაინას რუსული დარტყმების შედეგად განადგურებული ენერგეტიკული ინფრასტრუქტურის აღდგენაში.
"რა თქმა უნდა, ზარალი არის მნიშვნელოვანი. ინფრასტრუქტურის 40% არ მუშაობს, რაც ნიშნავს, რომ ზამთარი ძალიან რთული იქნება. მაგრამ ეტაპობრივად შეგვიძლია გამოვასწოროთ ზიანი", - თქვა ევროკომისარმა ენერგეტიკის საკითხებში.
20 ოქტომბერს, უკრაინის ენერგეტიკულ ინფრასტრუქტურაზე თავდასხმის შემდეგ, უკრაინამ ევროკავშირსა და NATO-ს ენერგოტექნიკით დახმარება სთხოვა. უკრაინის დახმარების თხოვნას ევროკავშირის ქვეყნებმა უპასუხეს და უკრაინას 500 ელექტრო გენერატორი გაუგზავნეს.
დახურვა