უკრაინის პრეზიდენტის ადმინისტრაციის ხელმძღვანელის, ანდრეი ერმაკის განცხადებით, უკრაინამ მოკავშირეებისგან მძიმე ტექნიკის მიღება დაიწყო.
"ჩვენი თანამშრომლობა ჩვენს მოკავშირეებთან გრძელდება და მხოლოდ ახლა შემიძლია ვთქვა, რომ ჩვენ დავიწყეთ მძიმე ტექნიკის მიღება", - თქვა უკრაინის პრეზიდენტის ადმინისტრაციის ხელმძღვანელმა.
უკრაინაში რამდენიმე დღის წინ პოლონეთის პრეზიდენტი, ანჯეი დუდა ჩავიდა და უკრაინის შეიარაღებულ ძალებს Leopard-ის ტანკების გადაცემას დაჰპირდა, თუმცა ამ ტანკების მიწოდება გერმანიის ხელისუფლებამ უნდა დაამტკიცოს.
მედიის ცნობით, დიდი ბრიტანეთის მთავრობა ახლა განიხილავს უკრაინის არმიისთვის Challenger 2 საბრძოლო ტანკების გადაცემას. მედიის ინფორმაციით, საუბარია უკრაინისთვის 12 საბრძოლო ტანკის გადაცემაზე.
დახურვა