ამ დრომდე არ დაუკითხავთ, არ გაუფრთხილებიათ, არ დაკავშირებია სამართალდამცველები ჟურნალისტს, რომლის მოკვლაც რამზან კადიროვმა თბილისში დაკავებულ რუსეთის მოქალაქეს შეუკვეთა. გიორგი გაბუნია აცხადებს, რომ ეს პიროვნული შურისძიების მცდელობაცაა და პუტინის გაფრთხილებაც, რომ მისი კრიტიკა და ანტისაოკუპაციო პოზიციების გამოხატვა ვერავინ გაბედოს.
ტელეწამყვანის სავარაუდო მკვლელობის მცდელობის ფაქტს ტერორისტული აქტის კვალიფიკაციას აძლევენ სპეციალისტები - ისინი მომხდარში რუსული სპეცსამსახურების კვალს ხედავენ და ფიქრობენ, რომ კრემლის მიზანი საქართველოში პოლიტიკური ვითარების დაძაბვა და დესტაბილიზაცია იყო. საფრთხე რომ ჯერ კიდევ რეალურია, დარწმუნებულია პუტინის მთავარი სამიზნე.
დახურვა