სამთავრობო კონსილიუმის წევრი, ენდოკრინოლოგი ელენე გიორგაძე, რომელიც მთელი დღე გორის ჰოსპიტალში იმყოფებოდა, ამბობს, რომ მიხეილ სააკაშვილის ჯანმრთელობის მდგომარეობა სტაბილურია და გართულებები არ აქვს.
როგორც მან ჟურნალისტებთან თქვა, სააკაშვილს წნევაც დაურეგულირდა.
"დღეს წნევა სტაბილური ჰქონდა, არც ერთხელ არ დაგვჭირდა არანაირი პრეპარატის დამატება", - თქვა გიორგაძემ.
მისივე განცხადებით, სააკაშვილი ექიმების მითითებებს ასრულებს.
"პირველი დღიდან პაციენტს ექიმების მიმართ აქვს არაჩვეულებრივი დამოკიდებულება, ძალიან დიდი პატივისცემით არის და ნამდვილად, მასთან არც ერთხელ არ გამჭირვებია შეხვედრა. მთავარია, ამ ადამიანს აუხსნა, რატომ და რისთვის კეთდება, მერე რომც არ მოსწონდეს რასაც აკეთებ, მაინც მოგყვება, ამას ძალიან დიდი მნიშვნელობა აქვს", - აღნიშნა ექიმმა.
დახურვა