ჩემი თავისუფლება დღეს აჭარის ტელევიზიის თავისუფლებაზე გადის - ამ სლოგანით ქუთაისში ჟურნალისტებისა და არასამთავრობო ორგანიზაციების აქცია გაიმართა. აქციის მონაწილეები აჭარის საზოგადოებრივ მაუწყებელზე ხელისუფლების ზეწოლას აპროტესტებენ.
ჟურნალისტების განცხადებით "ქართული ოცნება " მიზანმიმართულად ებრძვის აჭარის საზოგადოებრივი მაუწყებლის ჟურნალისტების გუნდს, რომელიც ურთულეს გარემოში არ ღალატობს მაყურებელს და ემსახურება საზოგადოებას. სწორედ საზოგადოების მხარდაჭერაა ახლა ყველაზე მნიშვნელოვანი აჭარის ტელევიზიის დამოუკიდებლობის დასაცავად, - ამბობენ ქუთაისში აქციის მონაწილეები.
შეგახსენებთ, რომ აჭარის საზოგადოებრივი მაუწყებლის ტელევიზიაში ახალი დირექტორის, გიორგი კოხრეიძის დანიშვნის შემდეგ ჟურნალისტები აცხადებენ, რომ მათზე მიმდინარეობს ზეწოლა და სარედაქციო საქმიანობაში ჩარევა.
დახურვა