ვოლოდიმირ ზელენსკის ვიზიტი აშშ-ში - განახლებადი

აშშ-ის მიერ უკრაინისთვის Patriot-ის საჰაერო თავდაცვის სისტემების გადაცემის შემდეგ, ეს იქნება ყველაზე ძლიერი და მოწინავე რაკეტსაწინააღმდეგო იარაღი, რომელიც მოკავშირეებმა უკრაინას მიაწოდეს. სისტემას შეუძლია ერთდროულად 125-მდე სამიზნის თვალყურის დევნება და მათგან ექვსზე რაკეტების გაშვება. კომპლექსის ერთ-ერთი მთავარი უპირატესობაა არა მხოლოდ თვითმფრინავების და საკრუიზო რაკეტების, არამედ ბალისტიკური რაკეტების ჩამოგდების შესაძლებლობა.

განრიგი: 

• 23:00 (თბილისის დროით) - ბაიდენი ზელენსკის თეთრ სახლში უმასპინძლებს
• 23:30 (თბილისის დროით) - ორმხრივი შეხვედრა ჯო ბაიდენსა და ვოლოდიმირ ზელენსკის შორის
• 01:30 (თბილისის დროით) - ჯო ბაიდენისა და ვოლოდიმირ ზელენსკის პრესკონფერენცია
• 05:30 (თბილისის დროით) - ვოლოდიმირ ზელენსკი კონგრესს სიტყვით მიმართავს

ზელენსკი: ვიბრძვით საერთო გამაჯრვებისთვის ტირანიის წინააღმდეგ

22.12 - 02:43

"ჩვენ ვიბრძვით საერთო გამარჯვებისთვის ტირანიის წინააღმდეგ, ეს არის ცხოვრება - და ჩვენ გავიმარჯვებთ და მე ძალიან მინდა, რომ ერთად გავიმარჯვოთ... არა, მაპატიეთ, კი არ მინდა, დარწმუნებული ვარ", - ვოლოდიმირ ზელენსკი. 

ბაიდენი: USAID უკრაინას ჰუმანიტარული დახმარების სახით 364 მილიონ დოლარზე მეტს გამოუყოფს

22.12 - 02:20

აშშ-ის პრეზიდენტი ჯო ბაიდენი აცხადებს, შეერთებული შტატების საერთაშორისო განვითარების სააგენტო (USAID) უკრაინის ჰუმანიტარული დახმარებისთვის 376 მილიონ დოლარზე მეტ თანხას გამოყოფს.

როგორც ბაიდენმა თეთრ სახლში უკრაინის პრეზიდენტ ვოლოდიმირ ზელენსკისთან შეხვედრის შემდეგ ერთობლივ პრესკონფერენციაზე თქვა, USAID დახმარების პაკეტის შესახებ დღეს გამოაცხადებს. 

ბაიდენი ზელენსკის: ჩვენ ვრჩებით უკრაინის გვერდით

22.12 - 02:03

"როგორც გითხარით, პრეზიდენტო, თქვენ არ უნდა იდარდოთ, ჩვენ ვრჩებით უკრაინის გვერდით, იმდენ ხანს, რამდენ ხანსაც უკრაინა არსებობს", - ჯო ბაიდენი.

ბაიდენმა ოფიციალურად დაადასტურა, რომ აშშ უკრაინას Patriot-ის თავდაცვის სისტემებს გაუგზავნის

22.12 - 02:03

აშშ-ის პრეზიდენტმა ჯო ბაიდენმა ოფიციალურად განაცხადა, რომ შეერთებული შტატები უკრაინას დამატებით 1,8 მილიონი დოლარის ღირებულების დახმარების ახალ პაკეტს გაუგზავნის, რომელიც Patriot-ის სარაკეტო თავდაცვის სისტემებს მოიცავს.

ბაიდენმა თეთრ სახლში უკრაინის პრეზიდენტ ვოლოდიმირ ზელენსკისთან შეხვედრის დასრულების შემდეგ, ერთობლივ პრესკონფერენციაზე თქვა, რომ "აუცილებელი წვრთნების დასრულებას გარკვეული დრო დასჭირდება", რათა სისტემებმა დაიწყონ მუშაობა, თუმცა აღნიშნა, რომ Patriot-ის რაკეტები იქნება "კრიტიკული ქონება".

ზელენსკი: უნდა გადავრჩეთ ამ ზამთარში, უნდა დავიცვათ ჩვენი ხალხი

22.12 - 02:00

"უნდა გადავრჩეთ ამ ზამთარში, ჩვენ უნდა დავიცვათ ჩვენი ხალხი და უნდა ვიყოთ ძალიან ორგანიზებული ამ პერიოდში, ეს ჰუმანიტარული საკითხი ჩვენთვის არის გადარჩენის საკითხი. ჩვენ ვიხილავთ საკითხებს და სამართლებრივ ზეწოლას ტერორისტულ ქვეყანას. რუსეთმა პასუხი უნდა აგოს ყველაფერზე რასაც აკეთებს ჩვენი ხალხის, ევროპის, თავისუფალი მსოფლიოს წინააღმდეგ", - ვოლოდიმირ ზელენსკი.

ბაიდენი: უკრაინის ბრძოლა გაცილებით დიდი რამის ნაწილია, მზად ვართ წინ აღვუდგეთ მჩაგვრელს 

22.12 - 01:51

"უკრაინის ბრძოლა გაცილებით დიდი რამის ნაწილია, ამერიკელებმა იციან, რომ მაქსიმალურად უნდა დავდგეთ ამ მხარეს და წინ აღვუდგეთ საშინელ შეტევას სუვერენიტეტზე, დემოკრატიაზე. ჩვენ მაქსიმალურად გავუწევთ წინააღმდეგობას ასეთ შეტევას. ამერიკელები მზად არიან წინ აღუდგნენ მჩაგვრელს, წინააღმდეგობა გაუწიონ თავისუფლების წინააღმდეგ მებრძოლს. ყველაფერს ვაკეთებთ იმისთვის, რომ უკრაინა მზად იყოს თავის დასაცავა", - ჯო ბაიდენი.

ზელენსკი: დარწმუნებული ვარ, ერთად შეგვიძლია მნიშვნელოვან შედეგებს მივაღწიოთ

22.12 - 01:10

"პრეზიდენტო, ჯო ბაიდენ, დიდი მადლობა ჩვენი ხალხის მხარდაჭერისთვის! ეს ვიზიტი ახალი წლის წინა დღეებში მიმდინარეობს და შესაძლოა, უკრაინისთვის ძალიან მნიშვნელოვანი აღმოჩნდეს. დარწმუნებული ვარ, ერთად შეგვიძლია მნიშვნელოვან შედეგებს მივიაღწიოთ", - ვოლოდიმირ ზელენსკი.

ბაიდენი: ამერიკა გეგებებათ, ბატონო პრეზიდენტო

22.12 - 00:58

America welcomes you, Mr. President. pic.twitter.com/emqWCAYaTv

— President Biden (@POTUS) December 21, 2022

ბაიდენისა და ზელენსკის შეხვედრა თეთრ სახლში

22.12 - 00:18

1

2

3

4

5

6

7

8

9

10

ბაიდენი ზელენსკის: თქვენ ხართ წლის ადამიანი აშშ-ში 

21.12 - 23:47

"ჩვენ გავაგრძელებთ უკრაინის უნარის გაძლიერებას, დაიცვას საკუთარ თავი, განსაკუთრებით, საჰაერო თავდაცვის კუთხით. ამიტომ ჩვენ უკრაინას Patriot-ის საჰაერო თავდაცვის სისტემებს მივაწვდით და გადავამზადებთ თქვენს ძალებს, რათა ზუსტად გამოიყენონ ის.

ჩვენი პარტნიორების გააგრძელებენ კრემლზე ზეწოლას და უკრაინის დახმარებას, აღადგინოს მშვიდობა. პრეზიდენტო ზელენსკი, აშშ დგას უკრაინის შესანიშნავი ხალხის გვერდით, თქვენს გვერდით. ჩვენ აქ გვაქვს ასეთი წესი, რომ TIME-ის ჟურნალი წელიწადში ერთხელ ირჩევს წლის ადამიანს, თქვენ აშშ-ში წლის ადამიანი ხართ", - ჯო ბაიდენი.

უკრაინელმა სამხედრომ ბაიდენს საკუთარი ჯილდო გაუგზავნა - ის ბაიდენს ზელენსკიმ გადასცა

21.12 - 23:36

უკრაინის პრეზიდენტმა ვოლოდიმირ ზელენსკიმ აშშ-ის პრეზიდენტ ჯო ბაიდენს გადასცა ჯილდო, რომელიც აშშ-ის პრეზიდენტს უკრაინელმა სამხედრომ გაუგზავნა.

ვოლოდიმირ ზელენსკიმ ჯო ბაიდენს ჯილდო თეთრ სახლში, შეხვედრის დაწყებამდე, მედიასთან კომენტარის გაკეთებისას გადასცა. 

"ერთმა ბიჭმა, რომელიც ნამდვილი გმირია, მთხოვა, მისი ჯილდო გადამეცა პრეზიდენტ ბაიდენისთვის. ის მამაცია და თქვა, რომ ეს ჯილდო უნდა გადაეცეს ძალიან მამაც პრეზიდენტს, მე კი მინდა ეს ჯილდო გადმოგცეთ თქვენ", - თქვა ზელენსკიმ.

თეთრ სახლში ბაიდენისა და ზელენსკის შეხვედრა იმართება

21.12 - 23:35

ზელენსკი ბაიდენს ხვდება

21.12 - 23:00

აშშ-ის პრეზიდენტი, ჯო ბაიდენი უკრაინის პრეზიდენტს, ვოლოდიმირ ზელენსკის თეთრ სახლში მასპინძლობს. ამ წუთებში, პრეზიდენტებს შორის შეხვედრა მიმდინარეობს. 

ზელენსკი: დღეს ვაშინგტონში ვარ, რათა მადლობა ვუთხრა ამერიკელ ხალხს, პრეზიდენტს, კონგრესს

 

"დღეს ვაშინგტონში ვარ, რათა მადლობა ვუთხრა ამერიკელ ხალხს, პრეზიდენტსა და კონგრესს მათი ძალიან საჭირო მხარდაჭერისთვის. გავმართავ მოლაპარაკებების სერიას უკრაინის გამძლეობისა და თავდაცვის შესაძლებლობების გასაძლიერებლად.

ჩვენ განვიხილავთ უკრაინისა და ამერიკის შეერთებული შტატების ორმხრივ თანამშრომლობას აშშ-ის პრეზიდენტ ჯო ბაიდენთან. მომავალ წელს ჩვენ უნდა დავუბრუნოთ უკრაინის დროშა და თავისუფლება ჩვენს მიწას, მთელ ჩვენს ხალხს", - წერს ზელენსკი.

CNN: ზელენსკი აშშ-ში ჩავიდა

21.12 - 21:54

უკრაინის პრეზიდენტი ვოლოდიმირ ზელენსკი აშშ-ში ჩავიდა. ინფორმაციას CNN წყაროზე დაყრდნობით ავრცელებს. 

სენატის უმრავლესობის ლიდერი ზელენსკის კონგრესში ვიზიტს ჩერჩილის გამოსვლას ადარებს

21.12 - 20:17

"სადაც უინსტონ ჩერჩილი იდგა თაობების წინ, დღეს დადგება პრეზიდენტი ზელენსკი, არა მხოლოდ როგორც პრეზიდენტი, არამედ როგორც თავისუფლების ელჩი", - განაცხადა ჩაკ შუმერმა.

ვაშინგტონში ვოლოდიმირ ზელენსკის დასახვედრად ემზადებიან 

21.12 - 20:00

ჯო ბაიდენი ზელენსკის: იმედია, კარგად მგზავრობ, განსახილველი ბევრია

21.12 - 17:21

"იმედია, კარგად მგზავრობ, ვოლოდიმირ. მოხარული ვარ შენი ვიზიტით. განსახილველი ბევრია", - ჯო ბაიდენი ვოლოდიმირ ზელენსკის

TVN: ზელენსკი პოლონეთში მატარებლის დატოვებისას შენიშნეს

21.12 - 16:29

უკრაინის პრეზიდენტი, ვოლოდიმირ ზელენსკი აშშ-ში მოგზაურობის ფარგლებში მატარებლით პოლონეთში გაემგზავრა. TVN-მა გადაიღო მომენტი, როდესაც ზელენსკი მატარებლით ჩავიდა პჟემისლში, პოლონეთ-უკრაინის საზღვართან ახლოს. გადაღების თარიღი 21 დეკემბერია.

TVN-ის ცნობით, ზელენსკი შემდეგ ჟეზოვის აეროპორტიდან აშშ-ში გაფრინდა. ზელენსკი აშშ-ის ელჩთან უკრაინაში, ბრიჯიტ ენ ბრინკთან ერთად ნახეს.

ზელენსკი: მივდივარ აშშ-ში, კონგრესში გამოსვლა მექნება

21.12 - 10:34

"მივდივარ აშშ-ში, რათა გავაძლიეროთ უკრაინის მდგრადობა და თავდაცვის შესაძლებლობები. კერძოდ, ჯო ბაიდენთან ერთად განვიხილავთ უკრაინისა და აშშ-ს თანამშრომლობას. ასევე გამოსვლა მექნება კონგრესში და რამდენიმე ორმხრივი შეხვედრა", - ვოლოდიმირ ზელენსკი

CNN: ვოლოდიმირ ზელენსკი ვაშინგტონში გაემგზავრა

21.12 - 09:30

CNN-ის ინფორმაციით, უკრაინის პრეზიდენტი ვოლოდიმირ ზელენსკი ვაშინგტონში გაემგზავრა. გამოცემა ინფორმაციას წყაროებზე დაყრდნობით ავრცელებს.

ზელენსკის ვიზიტის შესახებ ინფორმაცია პირველად გუშინ, 21 დეკემბერს გავრცელდა. ვიზიტი ოფიციალურად არც ერთი მხარეს არ დაუდასტურებია.

CNN-ის ცნობითვე, ზელენსკი აშშ-ის პრეზიდენტ ჯო ბაიდენს თეთრ სახლში პირისპირ შეხვდება. ეს იქნება უკრაინის პრეზიდენტის პირველი გასვლა უკრაინის ფარგლებს გარეთ 24 თებერვლის შემდეგ.

CNN წერს, რომ უკრაინის პრეზიდენტის ვიზიტი აშშ-ში დაემთხვევა თეთრი სახლის მიერ უკრაინისთვის დახმარების ახალი პაკეტის გამოცხადებას, რომელიც Patriot-ის სარაკეტო სისტემებს მოიცავს.