სვანეთში დაკარგული 13 წლის მოზარდს, ილია ფილფანს უკვე მე-14 დღეა ეძებენ. მოზარდის დედა საქართველოში რამდენიმე დღის წინ დაბრუნდა და სამძებრო სამუშაოებში ჩაერთო.
როგორც ქსენია ფილფანმა "ფორმულას" განუცხადა, მისი შვილი, შესაძლოა, თბილისში იმყოფებოდეს, რადგან ეს ერთადერთი ქალაქია, რომელმაც მან იცის. დედის ინფორმაციით, თბილისში ბავშვის მამიდა ცხოვრობს, რომელსაც ადრე ხშირად სტუმრობდნენ.
"არ ვიცი, სად შეიძლება იყოს ან ვისთან ერთად. ერთადერთი ვიცი ის, რომ მარტო იქნება, რადგან ქართული არ იცის და საქართველოში მეგობრებიც არ ჰყავდა. ვფიქრობ, რომ სახლიდან წამოსვლის შემდეგ თბილისში წამოვიდოდა, რადგან ეს მისთვის ერთადერთი ნაცნობი ქალაქია. ამასთან აქ ცხოვრობს მისი მამიდა. გაუჩინარებამდე 4 დღით ადრე ველაპარაკე. ვიდეო ზარით ვისაუბრეთ. ყველაფერი კარგად ჰქონდა და მხიარულ ხასიათზე იყო. არაფერი ეტყობოდა, რომ რამეს აპირებდა. ჩვეულებრივ შემთხვევაში თუ რამე აწუხებდა, მეუბნებოდა ხოლმე. ახლა არაფერი უთქვამს", - განაცხადა ქსენია ფილფანმა.
შეგახსენებთ, სოფელ ლენჯერში 13 წლის ილია ფილფანი სახლიდან 18 ივლისს, ველოსიპედით გავიდა და მას შემდეგ უკან აღარ დაბრუნებულა. მომხდართან დაკავშირებით გამოძიება სსკ-ის 143-ე მუხლით მიმდინარეობს, რაც წინასწარი შეცნობით არასრულწლოვნის მიმართ თავისუფლების უკანონო აღკვეთას გულისხმობს.
დახურვა