უკრაინის შეიარაღებული ძალების მთავარსარდლის, ვალერი ზალუჟნის განცხადებით, სვატოვო-კრემენაიას ხაზზე მძიმე ბრძოლები მიმდინარეობს.
"მძიმე ბრძოლები მიმდინარეობს სვატოვო-კრემენაიას ხაზზე, ასევე ლისიჩანსკის მიმართულებით. ურთულესი ვითარება რჩება სოლედარ-ბახმუტ-მაიორსკის მონაკვეთზე. იქ, მტერი ფაქტობრივად ცდილობს წინ წავიდეს თავიანთ გვამებზე გადაადგილებით, მაგრამ თავდაცვის ძალების ქვედანაყოფები, სუპერ ძალისხმევის ფასად, მტრის შეტევას აკავებენ", - თქვა უკრაინის შეიარაღებული ძალების მთავარსარდალმა.
ზალუჟნის თქმით, უკრაინის შეიარაღებულმა ძალებმა დონეცკის მიმართულებით, ავდეევკას გარშემო პოზიციების დაკავება და კონტრშეტევითი ოპერაციების გაგრძელება მოახერხეს.
"ჩვენ საიმედოდ ვმართავთ თავდაცვით ხაზებს ზაპოროჟიეს მიმართულებით და ვცდილობთ დავიცვათ ხერსონი მტრის დაბომბვისგან, პირველ რიგში, მშვიდობიანი მოსახლეობა და ქალაქის კრიტიკული ინფრასტრუქტურა. ბელარუსის რესპუბლიკის საზღვარზე სიტუაცია სრულად კონტროლდება", - განაცხადა ზალუჟნიმ.
დახურვა