ევროპული საბჭოს პრეზიდენტი, შარლ მიშელი და ევროკომისიის პრეზიდენტი ურსულა ფონ დერ ლაიენი, 2023 წლის 3 თებერვალს უკრაინის პრეზიდენტთან ერთად ევროკავშირის სამიტის გამართვას გეგმავენ.
ინფორმაცია დაადასტურა ევროპული საბჭოს სპიკერმა ბარენდ ლეიტსმა და განაცხადა, რომ ევროკავშირი-უკრაინის ერთობლივ სამიტზე დასასწრებად ვოლოდიმირ ზელენსკიმ მიწვევა უკვე მიიღო.
"მე შემიძლია დავადასტურო, რომ ევროკავშირი-უკრაინის სამიტი 3 თებერვალს გაიმართება და ვოლოდიმირ ზელენსკისადმი არის ღია მოწვევა, რომ ეწვიოს ბრიუსელს" - განაცხადა ლეიტსმა.
ევროსაბჭოს სპიკერის თქმით, სამიტის გამართვის ადგილი, ამ დროისთვის განსაზღვრული არაა და ზელენსკის ბრიუსელში მიწვევის მიუხედავად ეს არ ნიშნავს, რომ სამიტი ბელგიის დედაქალაქში გაიმართება.