უკრაინის პრეზიდენტმა ვოლოდიმირ ზელენსკიმ, ევროპელი ლიდერებისა და აშშ-ის პრეზიდენტ დონალდ ტრამპისთან გამართული მოლაპარაკებების შემდეგ, განაცხადა, რომ მისი პოზიციაა - ჯერ უნდა გამოცხადდეს ცეცხლის შეწყვეტა, შემდეგ კი დაწესდეს „რეალური უსაფრთხოების გარანტიები“.
ზელენსკის თქმით, ტრამპმაც მხარი დაუჭირა ამ მიდგომას. მან ასევე აღნიშნა, რომ რუსეთს არ უნდა ჰქონდეს ვეტოს უფლება უკრაინის ევროპულ ან ნატოს პერსპექტივებზე.
„ჩვენ, უკრაინა და ჩვენი ევროპელი მოკავშირეები, მხოლოდ ერთს ვითხოვთ - მშვიდობას უკრაინაში და მშვიდობას ევროპაში,“ - თქვა პრეზიდენტმა.
ზელენსკიმ დასძინა, რომ სანქციები უნდა გამკაცრდეს, თუ რუსეთი ალასკაში ცეცხლის შეწყვეტას არ დაეთანხმება.
დახურვა