თალიბანმა ავღანეთის სიდიდით მეორე ქალაქი - ყანდაარი აიღო. ყანდაარი სტრატეგიულად მნიშვნელოვანი სავაჭო ცენტრია, იქ მდებარეობს საერთაშორისო საეროპორტიც.
BBC-ის ინფორმაციით, აშშ-ის საელჩოს თანამშრომლების ევაკუაციის მიზნით, შეერთებული შტატები ავღანეთში 3 000-მდე ჯარისკაცს აგზავნის.
ასევე, 6 000 ჯარისკაცს გააგზავნის დიდი ბრიტანეთიც თავისი მოქალაქეების დასახმარებლად.
ბოლო დღეების განმავლობაში თალიბანმა კონტროლი დაამყარა ქალაქებზე: ჰერატი, ღაზნი და ქალაი-ნაუ.
გაეროს მონაცემებით, ბოლო ერთ თვეში ავღანეთში 1000-ზე მეტი მშვიდობიანი მოსახლე მოკლეს. ჩრდილოეთ პროვინციებიდან კი ათასობით ადამიანი ქაბულისკენ დაიძრა.
დაჯგუფების განსაკუთრებული გააქტიურება შეინიშნება მას შემდეგ, რაც 20-წლიანი მისიის შემდეგ აშშ-მ და სხვა ქვეყნის ჯარებმა ავღანეთიდან გასვლა დაიწყეს. თალიბანი უკვე აკონტროლებს 34 პროვინციული დედაქალაქების მესამედს.
დახურვა