ადგილობრივი თვითმმართველობის არჩევნების II ტური 30 ოქტომბერს გაიმართება.
ამის შესახებ დღეს, 3 ოქტომბერს ირაკლი კობახიძემ თქვა.
მეორე ტური შედგება როგორც თბილისში, ისე რუსთავში, ფოთში, ბათუმსა და ქუთაისში. ასევე, რამდენიმე სხვა მუნიციპალიტეტში.
თბილისის მერობისთვის კახა კალაძე და ნიკა მელია იბრძოლებენ.
რუსთავში - ნინო ლაცაბიძე (ქართული ოცნება) და დავით კირიკიტაძე (ენმ).
ფოთში - ბექა ვაჭარაძე (ქართული ოცნება) და გიგი უგულავა (ენმ);
ბათუმში - არჩილ ჩიქოვანი (ქართული ოცნება) და გიორგი კირთაძე (ენმ);
ქუთაისში - იოსებ ხახალეიშვილი (ქართული ოცნება) და ხატია დეკანოიძე (ენმ);
ზუგდიდში - მამუკა წოწორია (ქართული ოცნება) და ანზორ მელია (ენმ).
ადგილობრივი თვითმმართველობის არჩევნების I ტური საქართველოში 2 ოქტომბერს ჩატარდა.
ცენტრალური საარჩევნო კომისიის მონაცემებით, 11:00 საათისთვის დათვლილია ბიულეტენების 85.04%.
საქართველოს მასშტაბით, პროპორციული ხმები ასე განაწილდა:
ქართული ოცნება 47.6%; ენმ - 30.51%; გახარია - საქართველოსთვის - 7.62 %; ლელო - 2.63%; ევროპული საქართველო-მოძრაობა თავისუფლებისთვის - 1.71%; დავით თარხან-მოურავი, ირმა ინაშვილი - საქართველოს პატრიოტთა ალიანსი - 1.45%; შალვა ნათელაშვილი-საქართველოს ლეიბორისტული პარტია - 1.41%; მესამე ძალა-სტრატეგია აღმაშენებელი - 1.35%; ზურაბ გირჩი ჯაფარიძე: გირჩი - მეტი თავისუფლება - 1.28%; ანა დოლიძე - ხალხისთვის - 0.73%.
დახურვა