იაპონიის ხელისუფლება რუსეთის 15 მოქალაქისა და 9 ორგანიზაციის მიმართ სანქციებს გაატარებს. სიაში მოხვდებიან თავდაცვის უწყების ოფიციალური პირები და როსობორნექსპორტი.
ახალი სანქციების ქვეშ მოყვება რუსეთის საგარეო საქმეთა სამინისტროს ოფიციალური წარმომადგენელი, მარია ზახაროვა, თავდაცვის მინისტრის რვა მოადგილე და სამხედრო ტექნიკის რამდენიმე მწარმოებელი, მათ შორის United Aircraft Corp, რომელიც აწარმოებს საბრძოლო თვითმფრინავებს.
ინდივიდუალური სანქციების ფარგლებში აღნიშნულ პირებს იაპონიაში შესვლა აეკრძალებათ და აქტივები გაეყინებათ.
ფინანსთა სამინისტროს განცხადებით, იაპონიამ უკვე გაატარა სანქციები 76 ინდივიდუალური პირის, 7 ბანკისა და 12 რუსული ორგანიზაციის წინააღმდეგ.
დახურვა