ირაკლი ღარიბაშვილი ბაქოში ჩავიდა

საქართველოს პრემიერმინისტრი, ირაკლი ღარიბაშვილი ოფიციალური ვიზიტით აზერბაიჯანის დედაქალაქში დღეს გაემგზავრა.

საქართველოს მთავრობის მიერ გავრცელებული ინფორმაციით, ღარიბაშვილი ბაქოში აზერბაიჯანის პრეზიდენტმა, ილჰამ ალიევმა მიიწვია. მთავრობის მეთაური 24 ნოემბერს ქალაქ ბაქოში SPECA-ს („გაეროს სპეციალური პროგრამა ცენტრალური აზიის ეკონომიკისთვის“) ეკონომიკურ ფორუმს საპატიო სტუმრის სტატუსით დაესწრება.

"ფორუმის ფარგლებში დაგეგმილ მთავრობის მეთაურთა სამიტზე საქართველოს პრემიერ-მინისტრი სიტყვით გამოვა. ირაკლი ღარიბაშვილი ასევე შეხვდება აზერბაიჯანის პრეზიდენტს ილჰამ ალიევს.

SPECA-ს დაარსებიდან 25 წლისთავთან დაკავშირებული საიუბილეო ფორუმი წელს აზერბაიჯანის თავმჯდომარეობით იმართება", - ნათქვამია საქართველოს მთავრობის განცხადებაში.