ისრაელის საჰაერო დარტყმების შედეგად ჰამასის თანადამფუძნებლის აბდალ აზიზ რანტისის ქვრივი და ჰამასის პოლიტბიუროს წევრი, ჯამალია ალ-შანტი მოკლეს. ინფორმაციას ამის შესახებ ჰამასთან დაკავშირებული მედიასაშუალებები ავრცელებენ.
2021 წელს ალ-შანტი პირველი ქალი გახდა, რომელიც ჰამასის პოლიტიკურ ბიუროში, გადაწყვეტილების მიმღებ ორგანოში აირჩიეს. მისი ქმარი რანტისი 2004 წელს მეორე ინტიფადის დროს ისრაელის ავიაიერიშის შედეგად მოკლეს.
გარდა ამისა, დღეს ისრაელის თავდაცვის ძალებმა გაავრცელეს ინფორმაცია, რომ ტერორისტული დაჯგუფების, ღაზას სახალხო წინააღმდეგობის კომიტეტების სამხედრო ფრთის ხელმძღვანელი მოკლეს.
IDF-ის ინფორმაციით, სამხედრო თვითმფრინავებმა ღაზას სამხრეთით მდებარე ქალაქ რაფაჰზე განახორციელეს ავიადარტყმა, რის შედეგადაც რაფატ აბუ ჰილალი დაიღუპა.
استشهاد الصديقة العزيزة الاستشهادية (جميلة الشنطي) عضو المكتب السياسي لحركة حماس في غزة … (انا لله وانا اليه راجعون) … #طوفان_الأقصى pic.twitter.com/Gk9OTZpuC8
სახალხო წინააღმდეგობის კომიტეტები სიდიდით მესამე ტერორისტული ორგანიზაციაა სექტორში ჰამასის და პალესტინის ისლამური ჯიჰადის შემდეგ.
დახურვა