იტალიის პრემიერმინისტრი ჯორჯია მელონი 21 თებერვალს კიევში ჩავა და უკრაინის პრეზიდენტ ვოლოდიმირ ზელენსკის შეხვდება. ინფორმაციას ადგილობრივი მედია ავრცელებს.
იტალიური მედიის ცნობით, კიევში ჩასვლისას ჯორჯია მელონი კიდევ ერთხელ გამოუცხადებს უკრაინას მხარდაჭერას და სამხედრო დახმარების ახალი, მე-6 პაკეტის შესახებ გამოაცხადებს.
დახმარების ახალი პაკეტის ფარგლებში უკრაინა ანტისარაკეტო კომპლექს - SAMP/T-ს უკვე გაზაფხულზე მიიღებს. სხვა დეტალები ჯერჯერობით უცნობია.
უკრაინაში ჩასვლამდე, მელონი ვარშავაშიც ჩავა, სადაც პოლონეთის პრემიერმინისტრ მატეუშ მორავეცკის შეხვდება.
დახურვა