კახა კალაძის თქმით, ტაქსის რეფორმის ფარგლებში განსაზღვრული რეგულაციები ზაფხულის ბოლოსთვის მზად იქნება.
თბილისის მერმა ვიცე მერს, ირაკლი ხმალაძეს დაავალა, რეფორმის მესამე ეტაპისთვის მოგვარდეს, რომ ტაქსის სერვისის გაწევისას, ავტობუსის ზოლში ავტომანქანის გაჩერებისა და მგზავრის აყვანის საკითხი იყოს გათვალისწინებული.
"აქვე მინდა, ირაკლი ხმალაძეს დავავალო, რომ მესამე ეტაპისთვის, შეძლებისდაგვარად, გავითვალისწინოთ A კატეგორიის ტაქსის მძღოლების მიერ მგზავრის აყვანის ან გადმოსმის მიზნით, ავტობუსის ზოლში გაჩერების საკითხი. უზრუნველვყოთ მისი ლეგალიზება, რათა არ მოხდეს ტაქსის მომსახურების გამწევი პირების დაჯარიმება. ამისთვის დაგვჭირდება საკანონმდებლო ცვლილება. დაამუშავეთ ეს თემა ისე, რომ პრობლემა არ შეექმნას საზოგადოებრივი ტრანსპორტის გადაადგილებას".- თქვა კახა კალაძემ.
დახურვა