თბილისი მერის კახა კალაძის მტკიცებით, საქართველოს პოლიტპატიმრები არ ჰყავს. მისივე თქმით, "ეს დრო" წარსულს ჩაბარდა.
"პოლიტპატიმრები საქართველოში არ არსებობს, ეს დრო ჩვენ წარსულს ჩავაბარეთ"- ამბობს კალაძე.
ჟურნალისტებმა მას ნიკა გვარამიას შეწყალებაზე ომბუდსმენის განცხადების შეფასება სთხოვეს და ჰკითხეს, შეიწყალებს თუ არა სალომე ზურაბიშვილი ნიკა გვარამიას, რაზეც კალაძემ ასე უპასუხა:
"არ ვიცი, ეს მისი [ნინო ლომჯარიას] გადაწყვეტილებაა. მე რატომ მეკითხებით? გვარამიას გარდა უამრავი პატიმარი ჰყავს საქართველოს"- ამბობს კალაძე.
დღეს, 8 ივნისს, სახალხლო დამცველმა ნინო ლომჯარიამ პრეზიდენტ სალომე ზურაბიშვილს ნიკა გვარამიას შეწყალების თხოვნით მიმართა.
ომბუდსმენი ნიკა გვარამიას განაჩენის შემოწმების შედეგები გამოაქვეყნა, სადაც ნათქვამია, რომ სასამართლოს მსჯელობა დაუსაბუთებელია როგორც მსჯავრდების, ისე - სასჯელის განსაზღვრის კუთხით.
დახურვა