თბილისის მერმა დედაქალაქის მთავრობის სხდომაზე განაცხადა, რომ 3 ნოემბერს ავტობუსში ასვლას პირბადის გარეშე 1489 მგზავრი შეეცადა, ხოლო 2 შემთხვევაში საჭირო გახდა საპატრულო პოლიციის გამოძახება. კახა კალაძის თქმით, ყოველდღიურ რეჟიმში მგზავრები მკაცრად გაკონტროლდებიან.
მერის თქმით, გამოვლინდა 3 ფეხზე დგომით მგზავრობის შემთხვევა, მგზავრებს მიეცათ რეკომენდაცია, ხოლო მიკროავტობუსების მძღოლებს 2 დღით აეკრძალათ მუშაობა.
"1567 მგზავრს მიეცა გაფრთხილება პირბადის სწორად ტარებასთან დაკავშირებით, 2 შემთხვევაში საჭირო გახდა საპატრულო პოლიციის გამოძახება. 63 მოქალაქეს ჰქონდა მცდელობა ემგზავრა პირბადის გარეშე მიკროავტობუსში", - განაცხადა კახა კალაძემ.
თბილისის მერმა მოსახლეობას კიდევ ერთხელ მოუწოდა პირბადის ტარებისკენ.
დღეიდან დახურულ და ღია სივრცეში პირბადის ხმარება სავალდებულო გახდა. რეგულაციის დარღვევის შემთხვევაში მოქალაქე 20 ლარით დაჯარიმდება.
დახურვა