დედაქალაქის სიახლოვეს, რუსული ძალების მიერ განადგურებულ ქალაქ ბოროდიანკაში შაბათს 10 მოქალაქის ცხედარი ნანგრევებიდან ამოიყვანეს. ინფორმაციას, კიევის რეგიონში უკრაინის საგანგებო სიტუაციების სამსახურის ხელმძღვანელის მოადგილე ბოგდან დანილიუკი ავრცელებს.
შეგახსენებთ, რომ უკრაინის გენერალურმა პროკურორმა ირინა ვენედიქტოვამ, 7 აპრილს განაცხადა, რომ ბოროდიანკაში 26 ადამიანის ცხედარს მიაკვლიეს. თუმცა მან განაცხადა, რომ დაღუპულთა რიცხვი სავარაუდოდ უფრო მაღალია.
ადგილზე მომუშავე BBC-ს ჟურნალისტის ინფორმაციით, ბოროდიანკა მიწასთანაა გასწორებული. ზოგიერთი გამოთვლებით ნანგრევებში შესაძლოა რამდენიმე ასეული ადამიანი იყოს.
დახურვა