კიევის მერის, ვიტალი კლიჩკოს განცხადებით, კიევი არის ქვეყნის სიმბოლო, რომელიც იყო და რჩება აგრესორის სამიზნედ.
"კიევი არის ქვეყნის გული, ქვეყნის სიმბოლო, მისი დედაქალაქი. ის იყო და რჩება აგრესორის სამიზნედ. და თუ საშუალება ექნებათ, აუცილებლად შეეცდებიან კიევში წასვლას. მე არავის ვაშინებ, მაგრამ ამისთვის მზად უნდა იყოთ. სამხედროებმა დასკვნები გააკეთეს. ჩვენ ასევე ვაკონტროლებთ ქმედებებს, ვეხმარებით ყველანაირად, რომ თებერვალში მომხდარი აღარ განმეორდეს", - თქვა კიევის მერმა.
კლიჩკოს თქმით, პუტინს ჯერ კიდევ სჭირდება მთელი უკრაინა და არა მისი ცალკეული ტერიტორიები და ის წავა იქამდე, რამდენადაც მას დაუშვებენ.
"ვიღაცამ უკრაინაში და დასავლელ პარტნიორებს შორის დიდი შეცდომა დაუშვა, როდესაც თქვა, რომ პუტინი დაწყნარდებოდა ყირიმის ანექსიის შემდეგ. ზოგიერთმა თქვა, რომ ის ბედნიერი იქნებოდა დონეცკითა და ლუჰანსკით, მაგრამ მას ჩვენ ვჭირდებით, მთელი უკრაინა", - განაცხადა კლიჩკომ.
დღეს კიევის მერმა ასევე განაცხადა, რომ რუსული ძალების მხრიდან უარეს სცენარს არ გამორიცხავს და შესაძლოა, ნაწილობრივი ევაკუაცია გამოცხადდეს. ამასთან, მან აღნიშნა, რომ უკრაინელი სამხედროების თქმით, მტერი გეგმავს განაგრძოს მზაკვრული თავდასხმები ქვეყნის ინფრასტრუქტურაზე, რათა დააშინოს უკრაინელები სიბნელით და სიცივით.
დახურვა