აშშ-ის ჰელსინკის კომისია პრეზიდენტ ჯო ბაიდენს უკრაინისა და საქართველოსთვის NATO-ს არაწევრი მნიშვნელოვანი მოკავშირის სტატუსის მინიჭების ინიციატივით მიმართავს.
კონგრესმენები ასევე მოუწოდებენ აშშ-ის პრეზიდენტს, რომ მხარი დაუჭიროს უკრაინისა და საქართველოს NATO-ში გაწევრიანების პროცესს.
წერილს ხელს აწერს აშშ-ს კონგრესის წარმომადგენელთა პალატის 3 წევრი: ტენესის შტატის წარმომადგენელი და ჰელსინკის კომისიის თანათავმჯდომარე სტივენ კოენი, სამხრეთ კაროლინის წარმომადგენელი ჯო ვილსონი და ჩრდილო კაროლინის წარმომადგენელი რიჩარდ ჰადსონი.
NATO-ს არაწევრი მნიშვნელოვანი მოკავშირის სტატუსს აშშ-ის ხელისუფლება ახლო მოკავშირე ქვეყნებს ანიჭებს, რათა მათ სტრატეგიული ურთიერთობა ჰქონდეთ აშშ-ის შეიარაღებულ ძალებთან. სტატუსის მქონე ქვეყნები ამერიკისგან მნიშვნელოვან სამხედრო და ფინანსურ უპირატესობებს იღებს, რაზე წვდომაც სხვა NATO-ს არაწევრი ქვეყნებს არ აქვთ.
წერილში ნათქვამია, რომ უკრაინის გარდა, საქართველოც რუსული ოკუპაციის საშიშროების წინაშეა, თანაც არ აქვს დასავლეთისგან უსაფრთხოების საკმარისი გარანტიები.
„ჩვენი ადმინისტრაციის პასუხი უკრაინის თავდაცვაში დახმარებაა, მაგრამ ჩვენ მოგიწოდებთ გადადგათ მყისიერი ნაბიჯები და უკრაინისთვის NATO-ს არაწევრი მნიშვნელოვანი მოკავშირის სტატუსის (MNNA) მინიჭებით, რათა განაახლოთ ჩვენი ფორმალური თავდაცვის სავაჭრო ურთიერთობები უკრაინასთან. საქართველო, რომელსაც არ აქვს დასავლეთის უსაფრთხოების საკმარისი გარანტიები და რუსული ოკუპაციისა და საფრთხეების წინაშეა, ასევე უნდა მიიღოს MNNA სტატუსი. ეს სტატუსი სამართლიანად ასახავს ჩვენს ამჟამინდელ ორმხრივი თავდაცვით ურთიერთობებს და აშშ-ს სამხედრო ქმედებებში ჩართვის ვალდებულებას არ ანიჭებს.
აშშ-მ ასევე უნდა აირჩიოს უფრო აქტიური პოზიცია უკრაინისა და საქართველოს NATO-ში გაწევრიანების შესახებ. მიუხედავად იმისა, რომ აშშ მუდმივად უჭერდა მხარს უკრაინისა და საქართველოს NATO-ს წევრობას, რუსეთის ოკუპაცია და მიმდინარე შეჭრა ავლენს ევრო-ატლანტიკური გაფართოების გახანგრძლივებული პროცესის ტრაგედიას.
აშშ-ს მხრიდან უკრაინისა და საქართველოს წევრობის ძლიერი და პროაქტიული მხარდაჭერის გარეშე, პუტინი გააგრძელებს დიდი უპირატესობების მიღებას, ევროპაში უსაფრთხოებისა და თანამშრომლობის ამოყირავების მისწრაფებაში და მისი ნეოკოლონიური განრიგის დაწესებაში.
იმავდროულად, უკრაინისთვის MNNA სტატუსი არაა ერთადერთი გზა, აშშ-სთვის რომ გააჟღეროს ჩვენი უწყვეტი მხარდაჭერა ჩვენი ადმინისტრაციისთვის ხელმისაწვდომი სამხედრო და ეკონომიკური დახმარების გაფართოების პარალელურად. პუტინის უფრო დიდ რეგიონზე დომინირების მიზნების გათვალისწინებით, ასეთი სიგნალი მნიშვნელოვანი იქნება საქართველოსთვისაც, ასევე უნდა განიხილებოდეს ამ სტატუსის მოლდოვისთვის, შვედეთისა და ფინეთისთვის მინიჭების შესაძლებლობაც." - წერია კონგრესმენების წერილში.
დახურვა