ყოველდღიურად იზრდება იმ ქვეყნების რაოდენობა, სადაც კორონავირუსის გამო ახალი შეზღუდვები წესდება. მათ რიცხვს დღეს საფრანგეთი, ესპანეთი და ისრაელი შეემატა. მეზობელ ქვეყნებთან საზღვრები დახურეს გერმანიამ და პოლონეთმა.
დღის განმავლობაში 60-ით გაიზარდა დაავადებულთა რაოდენობა ავსტრიაში, შვეიცარიაში კი დაავადებულთა რაოდენობა რადიკალურად - 841-ით გაიზარდა. კორონავირუსი დაუდგინდა შვეიცარიის ფეხბურთის კავშირის პრეზიდენტსაც. ვირუსს პირველი ადამიანი ემსხვერპლა უნგრეთში. დაავადებასთან ბრძოლის ფარგლებში დიდი ბრიტანეთი ყველა ხანშიშესულის იზოლირებას გეგმავს.
დახურვა