კურიერი, რომელსაც გუშინ თემქაზე ავტომანქანა დაეჯახა, გარდაიცვალა.
ინფორმაცია „ფორმულას“ „ჩემო კარგოს“ დელივერი დეპარტამენტის უფროსმა, მიხეილ მესხმა დაუდასტურა.
„დიახ გარდაიცვალა. სამსახურიდან მეგობართან წავიდა, იქიდან სახლში ბრუნდებოდა, რა დროსაც მანქანა დაეჯახა“, - განაცხადა მესხმა.
შეგახსენებთ, რომ თემქაზე, 143-ე სკოლის მიმდებარე ტერიტორიაზე მსუბუქი ავტომობილი მოპედს დაეჯახა.
საქმეზე გამოძიება სისხლის სამართლის კოდექსის 276-ე მუხლის მეორე ნაწილით დაიწყო, რაც ტრანსპორტის მოძრაობის უსაფრთხოების, ან ექსპლოატაციის წესის დარღვევას ითვალისწინებს, რამაც ჯანმრთელობის ზიანი გამოიწვია.
დახურვა