ლიეტუვის პრემიერმინისტრის, ინგრიდა სიმონიტეს განცხადებით, ლიეტუვა უკრაინას ენერგოსექტორის აღსადგენად 2 მილიონი ევროს დახმარების პაკეტს გადასცემს.
სიმონიტეს თქმით, ლიეტუვა გააგრძელებს უკრაინისთვის უპილოტო თვითმფრინავების, გამათბობლებისა და გენერატორების მიწოდებას, უკრაინელი სამხედროებისთვის კი თბილი ტანსაცმლის გაგზავნას.
"ლიეტუვამ უკრაინის ენერგეტიკული სექტორის აღსადგენად 2 მილიონი ევროს ოდენობის დახმარების პაკეტი მოამზადა. ჩვენ გავაგრძელებთ ჰუმანიტარულ დახმარებას უკრაინაში დევნილთა დასახმარებლად", - თქვა ლიეტუვის პრემიერმა.
დღეს უკრაინის, პოლონეთისა და ლიეტუვის პრემიერმინისტრებმა ხელი მოაწერეს ერთობლივ განცხადებას, რომელიც უკრაინის NATO-სა და ევროკავშირში შესვლის პროცესზე მოლაპარაკებების გააქტიურებასა და უკრაინისადმი დახმარების გაძლიერებას მოიცავს. ერთობლივ განცხადებას 3 ქვეყნის ლიდერმა ხელი 26 ნოემბერს, კიევში, ლუბლინის სამკუთხედის შეხვედრის ფარგლებში მოაწერა.
დახურვა