ჰონგ-კონგის ავტონომია შეჩერებულია - ასე აფასებს ამერიკის შეერთებული შტატების სახელმწიფო მდივანი რეგიონში განვითარებულ მოვლენებს. მაიკ პომპეომ საკუთარი შეფასება წერილობით კონგრესსაც გადაუგზავნა.
ოფიციალურ განცხადებაში ნათქვამია, რომ ჩინეთის ხელისუფლების ნაბიჯები თავს მოახვიოს ჰონგ-კონგს ეროვნული უსაფრთხოების შესახებ კანონმდებლობა, ანადგურებს ავტონომიის თავისუფლებას.
პარალელურად, ჩინეთის პარლამენტმა უკვე მიიღო ეს კანონი. დოკუმენტის თანახმად, ჰონგ-კონგში ჩინეთის მმართველობის წინააღმდეგ ნებისმიერი სახის ნაბიჯი დანაშაულად ითვლება. სწორედ ამ კანონპროექტს მოჰყვა არეულობის მორიგი ტალღა ჰონგ-კონგში. დაკავებულია ასობით დემონსტრანტი, პროდემოკრატიული მოძრაობის მომხრე დეპუტატები კი ასამბლეის დარბაზიდან გააძევეს.
დახურვა