logo
ENG



მამის მკვლელობაში ბრალდებულს სასამართლომ 15 წელი მიუსაჯა

29 ოქტ 201915:59
3 წუთის საკითხავი
 
hczs3d7io5s55wn.jpg

საქართველოს მთავარი პროკურატურის მიერ გავრცელებული ინფორმაციის თანახმად, ქუთაისის საქალაქო სასამართლომ მამის მკვლელობაში ბრალდებულს 15 წლით თავისუფლების აღკვეთა მიუსაჯა.

„სასამართლო პროცესზე წარდგენილი მტკიცებულებებით დადასტურდა, რომ 2019 წლის 23 იანვარს, ვანის მუნიციპალიტეტის სოფელ სულორში, ბ.კ-მ ურთიერთშელაპარაკების ნიადაგზე, განზრახ მოკვლის მიზნით, მამამისს ა.კ-ს ხელებითა და ფეხებით სცემა თავისა და სხეულის სხვადასხვა ადგილებში. ა.კ. თავის არეში მიღებული დაზიანებების შედეგად შემთხვევის ადგილზე გარდაიცვალა.

სამართალდამცველებმა ბ.კ. 2019 წლის 25 იანვარს დააკავეს. მას  ბრალდება საქართველოს სისხლის სამართლის კოდექსის 111-109-ე მუხლის მე-2 ნაწილის „ვ“ ქვეპუნქტით (განზრახ მკვლელობა ოჯახის წევრის მიმართ) წარედგინა და აღკვეთის ღონისძიების სახით პატიმრობა შეეფარდა. 

ქუთაისის საქალაქო სასამართლომ ბ.კ. დამნაშავედ ცნო წარდგენილ ბრალდებაში და სასჯელის სახედ და ზომად 15 წლით თავისუფლების აღკვეთა განუსაზღვრა,“ - ნათქვამია უწყების მიერ გავრცელებულ განცხადებაში.


close დახურვა