მანიპულაცია მონაცემებით ანტიდასავლური რიტორიკის გასამყარებლად

ატყუებს თუ არა მთავრობა მოსახლეობას და მანიპულირებს თუ არა სტატისტიკით. რიტორიკა, რომლითაც ივანიშვილის გუნდი პუტინის გადაწყვეტილებას ამართლებს, პროპაგანდისტული გზავნილებითაა გაჯერებული. კვლევას საერთაშორისო გამჭვირვალობა აქვეყნებს. ღარიბაშვილი ამტკიცებს, რომ ევროკავშირის ქვეყნები განაგრძობს ვაჭრობას რუსეთთან, საქართველოს კი თითქოს ეკონომიკური ურთიერთობების შეწყვეტისკენ მოუწოდებენ. სინამდვილეში ევროკავშირის მოწოდებაა, საქართველო რუსეთის წინააღმდეგ საავიაციო სექტორში არსებულ სანქციებს შეუერთდეს, იმისთვის რომ ქვეყანა არ გახდეს რუსეთზე დაწესებული სანქციების გვერდის ავლის ადგილი, რისი ალბათობაც, ფრენების აღდგენით გაიზარდა.