ტვ პირველის საინფორმაციო სამსახურის უფროსი, ნოდარ მელაძე ამბობს, რომ არხის ცენტრალური სერვერი გათიშულია.
მელაძეს ეჭვი აქვს, რომ ეს შესაძლოა კიბერთავდასხმით იყოს გამოწვეული.
"სტუდია ჩართულია, წამყვანები ადგილზე არიან, ჟურნალისტები - გადაღებებზე, თუმცა, ჩვენ ვერ ვახერხებთ ახალი ამბებით ეთერში ოპერირებას.
მიზეზი არის ის, რომ დღეს გამთენიისას, 4:31 წუთზე ავტომატურად გაითიშა ცენტრალური სერვერი. ახლა ჩვენ ვმუშაობთ ავარიულ რეჟიმში. ცოტა ხანში ოფიციალურად გვეცოდინება, იყო თუ არა ეს კიბერთავდასხმა, თუმცა, მოვლენების ქრონოლოგია ამის ეჭვებს აჩენს".- თქვა მან.
ტვ პირველი ეთერში 3 სექტემბერს ახალი შენობიდან გავიდა.