მერი მოჭიდავეებისა და ტაშისმკვრელების თანხლებით

დედაქალაქის მერი საკრებულოს სხდომაზე დამხმარე ძალის თანხლებით მივიდა. რატომ დასჭირდა კალაძეს მოჭიდავეებისა და პარტიული აქტივის დახმარება - ერთ-ერთი სპორტსმენი კორცხელში ოპოზიციაზე თავდასხმის მთავარი მონაწილეა. სწორედ ნაკრების მწვრთნელი იანტბელიძე იცავდა დღეს კალაძის სიმშვიდეს საკრებულოში.  სწორედ კორცხელის ეპიზოდის ერთ-ერთი გმირის გამოჩენას მოჰყვა ოპოზიციის პროტესტი, რასაც ქართულმა ოცნებამ აგრესიით უპასუხა - ინციდენტი საბოლოოდ ფიზიკურ დაპირისპირებაში გადაიზარდა. კალაძე ძირითად შეკითხვებს თავს არიდებდა. ტრიბუნა კი ანტიდასავლური რიტორიკისთვის გამოიყენა.