თბილისის ზოოპარკსა და მზიურის პარკს საფეხმავლო ხიდი დააკავშირებს - ამის შესახებ კახა კალაძემ ქალაქის მთავრობის სხდომაზე ისაუბრა.
მერის განცხადებით, მზიურის პარკში გაკეთდება „გალერეა-მედიათეკაც“, რაც პარკში არსებული სოციალური საწარმოს საკუთრება იქნება.
„დასრულდა მზიურის რეაბილიტაცია. მნიშვნელოვანი სამუშაოები იქნა ჩატარებული - ეს არის მაგარი რეკრეაციული სივრცე. მივიღეთ გადაწყვეტილება: მუნიციპალიტეტი განახორციელებს ორ პროექტს - საბაგიროს რეკონსტრუქციას. მთლად მედიათეკას ვერ დავარქმევთ, პატარაა ტერიტორია, მაგრამ გვაქვს აქტიური კომუნიკაცია მზიურის სოციალურ საწარმოსთან, მათ აქვთ საინტერესო პროექტი „გალერეა-მედიათეკა“. ეს შენობა ამ გუნდს გადაეცემა. ასევე გაკეთდება საფეხმავლო ხიდი, რითაც მზიური დაუკავშირდება ზოოპარკს და ამაზე მუშაობასაც დავიწყებთ", - ამბობს კალაძე.
დახურვა