ცნობილი გმირები ანიმაციური ფილმიდან „საზიზღარი მე“ კორონავირუსის წინააღმდეგ ბრძოლაში ერთვებიან. გაეროს ფონდისა და ჯანდაცვის მსოფლიო ორგანიზაციის ინიციატივით სააგიტაციო ვიდეო-რგოლი მოამზადეს, რომელშიც ანიმაციური პერსონაჟები: გრუ და ყვითელი მინიონები საზოგადოებას მოუწოდებენ დისტანციის წესები დაიცვან და ხელიც ხშირად დაიბანონ.
ცნობილი გმირები რჩევებს აძლევენ ადამიანებს, როგორ გაერთონ სახლში ცეკვით და მზარეულობით. ერთწუთიან ვიდეო რგოლს მსახიობი სტივ კარელი ახმოვანებს.