ბელგიაში არჩევნებში დამარცხების შემდეგ, პრემიერმინისტრმა ალექსანდრ დე კრომ განაცხადა, რომ ის თანამდებობას დატოვებს.
"ჩემთვის განსაკუთრებით რთული საღამო იყო, წავაგეთ. ხვალიდან მე ვიქნები გადამდგარი პრემიერმინისტრი", - განუცხადა მან აქციაზე მხარდამჭერებს.
ეგზიტპოლის მიხედვით, დე კროს პარტიამ Open VlD-მა 5,7% მიიღო, რაც 2019 წლის არჩევნებთან შედარებით 2,8%-ით ნაკლებია. პრემიერის გარდა, გადადგომის გადაწყვეტილება დე კროს პარტიის პრეზიდენტმა, ტომ ონგენამაც მიიღო.
დე კრო პრემიერის მოვალეობის შემსრულებლად ახალი მთავრობის დანიშვნამდე დარჩება.
"დავრწმუნდი, რომ ჩვენ ახალი მთავრობა სრული უფლებამოსილებით დროულად გვჭირდება", - განაცხადა მან და დასძინა, რომ "ამომრჩევლის გზავნილი ნათელია".
დახურვა