სამოქალაქო ავიაციის სააგენტოს ინფორმაციით, მიუნხენი-თბილისი-მიუნხენის საჰაერო ხაზზე რეგულარული საჰაერო მიმოსვლა 2 აგვისტოდან განახლდება.
უწყების ცნობით, რეისს გერმანული ავიაკომპანია Lufthansa შეასრულებს.
"გერმანული ავიაკომპანია Lufthansa საქართველოს მიმართულებით რეგულარულ ფრენებს განაახლებს. აღნიშნულის თაობაზე, უკვე დასრულდა ტექნიკური მოლაპარაკებები საქართველოს ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტოსა და ავიაკომპანიას შორის.
ავიარეისები Airbus A319 ტიპის საჰაერო ხომალდით, კვირაში ორი სიხშირით, შემდეგი განრიგით განხორციელდება:
• მიუნხენი - თბილისის მიმართულებით ყოველ ხუთშაბათსა და კვირას;
• თბილისი - მიუნხენის მიმართულებით ყოველ ორშაბათსა და პარასკევს", - წერია ავიაციის სააგენტოს მიერ გავრცელებულ ინფორმაციაში.
აღსანიშნავია, რომ მოგზაურობის შემდეგ სამშობლოში დაბრუნებულ საქართველოს მოქალაქეებს 2-კვირიანი სავალდებულო კარანტინის გავლა მოუწევთ.
დახურვა