მოსახლეობა ყველაზე დიდ ნდობას ქართულ ჯარს უცხადებს

ტელეკომპანია „ფორმულას“ დაკვეთით „ედისონ რისერჩის“ მიერ ჩატარებული კვლევის თანახმად, მოსახლეობის უმრავლესობის ნდობით ქართული ჯარი სარგებლობს. 

კითხვაზე „რამდენად ენდობით ან არ ენდობით ინსტიტუციას“ მოსახლეობის 87% დადებითად აფასებს ქართულ ჯარს,  ეკლესია 85%-იანი ნდობით სარგებლობს.

ყველაზე ნეგატიურად მოსახლეობა პრეზიდენტის ინსტიტუტს აფასებს - 71% ნეგატიურადაა განწყობილი.

ეს ტელეკომპანია „ფორმულასა“ და „ედისონ რისერჩის“ თანამშრომლობით ჩატარებული მეორე კვლევაა. ჯამში „ფორმულასა“ და „ედისონ რისერჩის“ თანამშრომლობის ფარგლებში 6 გამოკითხვა და საარჩევნოდ ეგზიტპოლი ჩატარდება. დღეს წარმოდგენილი კვლევა პირისპირ გამოკითხვის მეთოდითაა ჩატარებული, შესაძლო ცდომილება 2.2%-ია - 95%-იანი სანდოობის დონისთვის.