მსოფლიოში კორონავირუსით უკვე მილიონზე მეტი ადამიანი გამოჯანმრთელდა

მსოფლიოში კორონავირუსით უკვე მილიონზე მეტი ადამიანი გამოჯანმრთელდა, გარდაცვლილთა რაოდენობამ 230 ათასს მიაღწია. დაინფიცირების 3 მილიონზე მეტი შემთხვევაა გამოვლენილი. კოვიდ 19-ით სიკვდილიანობის მაჩვენებლით დიდმა ბრიტანეთმა ესპანეთსა და საფრანგეთს გაუსწრო და ამ მხრივ ევროპაში მეორე ადგილი დაიკავა. თუმცა ყველაზე დიდი ზიანი მაინც იტალიას მიადგა. ქვეყანაში კოვიდ 19-ით გარდაცვლილთა რაოდენობა 27 ათასს აჭარბებს. ბოლო 24 საათის განმავლობაში კორონავირუსით გერმანიაში 153, ბელგიაში 170, ნიდერლანდებში 145, შვედეთში კი 107 ადამიანი გარდაიცვალა. კოვიდ ინფექციით გარდაცვალების ახალი შემთხვები კვლავ არ გამოვლენილა ჩინეთში.