ლეიბორისტული პარტიის ლიდერის, შალვა ნათელაშვილის თქმით, ლელოს წევრებზე თავდასხმა მმართველი პარტიის მხრიდან "მხოლოდ დასაწყისია". როგორც ნათელაშვილი ამბობს, ქართულ ოცნებას წინასაარჩევნოდ კრიმინალები და ე.წ სპორტსმენ-ზონდერები ჰყავს მობილიზებული.
"ლელოს წევრზე ფიზიკური თავდასხმა მხოლოდ დასაწყისია. უარესი გეგმები აქვს ხელისუფლებას, მათ შორის მობილიზებული ჰყავს კრიმინალიტეტი და ე.წ. სპორტსმენ-ზონდერები. მათ ყველას ერთი პასუხი უნდა გავცეთ, როგორც ყველა პარტამ ერთი პასუხი გავეცით ოლიგარქატს და პრაქტიკულად ამით ვამთავრებთ მათ მმართველობას". - აცხადებს ნათელაშვილი.
4 სექტემბერს, ლელოს ერთ-ერთ წევრს ცემეს. ამის შესახებ პარტიის წევრმა, ლევან სამუშიამ Facebook-ზე დაწერა.
შინაგან საქმეთა სამინისტრომ ლელოს წევრზე ძალადობის ბრალდებით ერთი პირი დააკავა. გამოძიება ძალადობის ფაქტზე მიმდინარეობს, საქართველოს სისხლის სამართლის კოდექსის 126-ე მუხლის 1 პრიმა მუხლის "ბ" ქვეპუნქტით.
დახურვა