რუსმა ოკუპანტებმა ხარკივის ერთ-ერთ ნაწილზე იერიში მიიტანეს. ინფორმაციას ხარკივის მერი იგორ ტერეხოვი ავრცელებს.
"ოკუპანტები აგრძელებენ სროლას. დღესაც სამწუხაროდ ქალაქ ხარკივის ერთ-ერთ ნაწილზე იერიში მიიტანეს", - თქვა ტერეხოვმა.
რაც შეეხება მთლიანად ქალაქში ვითარებას, ტერეხოვიამბობს, რომ საზოგადოებრივი ტრანსპორტი მუშაობას აგრძელებს.
"მეტროპოლიტენი ღამის საათებში თავშესაფრის ფუნქციას ასრულებს, დღის საათებში მუშაობს, თუმცა დღისით შეიძლება მისი თავშესაფრად გამოყენება", - განაცხადა მერმა.
აღსანიშნავია, რომ დღეს ხარკივის ოლქში უკრაინის პრეზიდენტი ვოლოდიმირ ზელენსკი იყო ჩასული და ადგილზე ვითარებას გაეცნო. მან ასევე იქ მყოფ სამხედროებს თავდადებისთვის მადლობა გადაუხადა და მედლები გადასცა.
დახურვა