2 აგვისტოდან 30 სექტემბრის ჩათვლით, ოკუპირებულ ცხინვალში მცხოვრებლებს საქართველოსთან ე.წ საზღვარზე გარკვეული სახის ეკონომიკური საქმიანობის განხორციელების უფლება მიენიჭებათ. ინფორმაციას ოკუპირებული ცხინვალის ე.წ უშიშროების კომიტეტი ავრცელებს.
კერძოდ, საუბარია სოფლის მეურნეობის პროდუქციის შეძენა-გადაზიდვაზე ცხინვალის, ზნაურისა და ახალგორის რეგიონების ე.წ სასაზღვრო ზონაში "შესაბამისი ნებართვის გაცემის გარეშე".
მათ მიერ გავრცელებულ ცნობაში ნათქვამია, რომ "სასაზღვრო ზონაში გადასავლელად საჭიროა რუსეთის ფედერალური სამსახურის უახლოეს სამმართველოში მისვლა პასპორტით - პირის იდენტიფიცირება, დაზუსტება. სამეურნეო სამუშაოების ადგილი, სახეობა და დრო".
დახურვა