საქართველოს ეროვნული ბანკის თანამშრომლები განცხადებას ავრცელებენ და ოცნების ანტიევროპულ გადაწყვეტილებას, 2028 წლამდე შეაჩერონ ევროკავშირში გაწევრების შესახებ მოლაპარაკებები, ემიჯნებიან.
განცხადებაში ხაზგასმულია, რომ ეს ნაბიჯი ეწინააღმდეგება საქართველოს კონსტიტუციის 78-ე მუხლს და არ შეესაბამება ქვეყნის ისტორიულ მისწრაფებას - გახდეს ევროპული ოჯახის სრულფასოვანი წევრი.
"საქართველოს ეროვნული ბანკის თანამშრომლები, ევროკავშირთან ასოცირების შესახებ შეთანხმების ფარგლებში, საქართველოს მიერ ნაკისრი ვალდებულებების შესაბამისად, წლების განმავლობაში ვმუშაობდით ქართული საფინანსო სექტორის რეგულირების ევროპულ სტანდარტებთან დაახლოებაზე, რამაც მნიშვნელოვანწილად განაპირობა მდგრადი და სტაბილურად მზარდი საფინანსო სისტემა.
28 ნოემბერს გაკეთებული განცხადება, საქართველოს მხრიდან ევროკავშირთან მოლაპარაკებების დღის წესრიგიდან 2028 წლამდე ამოღების თაობაზე, ეწინააღმდეგება საქართველოს კონსტიტუციის 78-ე მუხლს და არ შეესაბამება ქვეყნის ისტორიულ მისწრაფებას – გახდეს ევროპული ოჯახის სრულფასოვანი წევრი.
საქართველოს ეროვნული ბანკის თანამშრომლები მხარს ვუჭერთ ქვეყნის ევროინტეგრაციის უწყვეტად და შეუქცევადად განხორციელებას", – ვკითუხლობთ განცხადებაში.
ამ დროისთვის, განცხადებას 182 ადამიანი აწერს ხელს. სებ-ის ნებისმიერ თანამშრომელს შეუძლია, განცხადებას შეუერთდეს.
დახურვა