.jpg)
ქართულ ოცნებაში ამტკიცებენ, რომ მათ მიერ ჩატარებული კვლევით, თბილისის მერობის არჩევნებში კახა კალაძეს მხარს უჭერს 60,1%, ხოლო საერთო ოპოზიციურ კანდიდატ ნიკა მელიას - 29,2%. სხვა კანდიდატებმა კი 10,7%-იანი მხარდაჭერა მოიპოვეს.
კვლევა ბრიფინგზე დეპუტატმა მიხეილ სარჯველაძემ წარადგინა. იგი ამბობს, რომ გამოკითხვა პარტიის სოციოლოგიური კვლევების ჯგუფმა ჩაატარა. მისი თქმით, საველე სამუშაოები 21-25 აგვისტოს ჩათვლით, პირისპირ გამოკითხვის მეთოდი ჩატარდა. ჯამში გამოიკითხა 2 958 რესპონდენტი, საიდანაც, ფავორიტი პარტია გამოკითხულთა 79,2%-მა დაასახელა. ცდომილების ფარგლები +/- 3%-ია.
ამასთან, სარჯველაძემ პარტიული რეიტინგებიც წარადგინა:
- ქართული ოცნება - 47,4%
- ნაციონალური მოძრაობა - 25,4%
- გირჩი - მეტი თავისუფლება - 4,7%
- საქართველოსთვის - 4,7%
- მოქალაქეები - 3,2%
- ლელო - 2,4%
- პატრიოტთა ალიანსი - 1,9%
- ევროპული საქართველო - 1,8%
- სტრატეგია აღმაშენებელი - 1,7%
- გირჩი - 1,1%
- ლეიბორისტული პარტია - 0,7%
- ერთიანი საქართველო - 0,7%
- სხვა პარტიები - 4,3%
დახურვა