უკრაინის პრეზიდენტის ვოლოდიმირ ზელენსკის მრჩეველი, მიხაილო პოლოდიაკი Twitter-ზე წერს, რომ უკრაინა "თავდაცვით ომს აწარმოებს" და "არ გეგმავს შეტევას რუსეთში არსებულ ობიექტებზე" აშშ-ს მიერ მიწოდებული იარაღით.
"ჩვენმა პარტნიორებმა იციან, სად გამოიყენება მათი იარაღი. ნებისმიერი ბრალდება ამ განზრახვის შესახებ [რუსეთზე თავდასხმის შესახებ] არის რუსული სპეცსამსახურების ფსიქოლოგიური ოპერაციები. რუსეთის ნომერ პირველი ამოცანაა უკრაინასა და ამერიკას შორის ნდობას ძირი გამოუთხაროს ."- წერს პოლოდიაკი.
Task #1 today for Russia — to undermine trust between and . Ukraine is waging a defensive war and does not plan to use the MLRS to attack facilities in . Our partners know where their weapons are used. Any allegations of such intentions - PSYOP of special services.
1 ივნისს, ამერიკის პრეზიდენტმა ჯო ბაიდენმა განაცხადა, რომ შეერთებული შტატები უკრაინაში გაგზავნის მოწინავე სარაკეტო სისტემებს, მათ შორის მაღალი მობილობის საარტილერიო სარაკეტო სისტემას, რომელსაც შეუძლია რაკეტების გაშვება დაახლოებით 49 მილის მანძილზე - ამ სისტემის დიაპაზონი ბევრად აღემატება იმას, რაც კიევში ამ დრომდე გაგზავნილა.
იმის გათვალისწინებით, რომ კრემლი ამ დახმარებას პროვოკაციად განიხილავს - რაკეტების დიდი დიაპაზონისა და რუსეთის ტერიტორიაზე მათი მიღწევის პოტენციალის გამო - ბაიდენმა ცალსახად გააფრთხილა, რომ უკრაინულმა ძალებმა იარაღი უნდა გამოიყენონ მხოლოდ თავდაცვისათვის და ქვეყნის საზღვრებში.
"ჩვენ არ ვეძებთ ომს NATO-სა და რუსეთს შორის... ჩვენ არ ვამხნევებთ და არ ვაძლევთ უკრაინას საზღვრებს მიღმა დარტყმის საშუალებას. ჩვენ არ გვინდა ომის გახანგრძლივება მხოლოდ იმისთვის, რომ რუსეთს ტკივილი მივაყენოთ". - თქვა ბაიდენმა.
გაერთიანებული სამეფო, შეერთებულ შტატებთან მჭიდრო კოორდინაციით, ასევე დათანხმდა უკრაინაში მრავალჯერადი სარაკეტო სისტემების გაგზავნას, იქიდან გამომდინარე, რომ უკრაინული ძალები ისევ აგრძელებენ რუსეთის შეტევის თავიდან აცილებას.
დახურვა