![პოლონეთის პრემიერის თქმით, უნგრეთმა პირობა დადო, რომ რუსეთის SWIFT-დან გათიშვას დაეთანხმება](/uploads/news/SWIFT-pre-authorization-API-banking-FinTech.jpg)
პოლონეთის პრემიერ-მინისტრის მატეუშ მორავიეცკის თქმით, უნგრეთის პრემიერმა ვიქტორ ორბანმა მასთან საუბარში აღნიშნა, რომ ეთანხმება რუსეთის წინააღმდეგ სანქციებს, მათ შორის, SWIFT-დან დაბლოკვას.
"დღეს ვესაუბრე პრემიერ ვიქტორ ორბანს და მან კდიევ ერთხელ დამარწმუნა რომ მხარს უჭერს შორსმიმავალ სანქციებს რუსეთის წინააღმდეგ, მათ შორის, SWIFT-დან დაბლოკვას", - წერს ის ტვიტერის გვერდზე.
Rozmawiałem dzisiaj ponownie z premierem Węgier V. Orbanem. I po raz kolejny zapewnił mnie o poparciu dla daleko idących sankcji skierowanych wobec Rosji. W tym także o zablokowaniu systemu SWIFT.
ამას გარდა, პოლონეთის საგარეო საქმეთა მინისტრის მოადგილემ პაველ იაბლონსკიმ განაცხადა, რომ უნგრეთი არ დაბლოკავს რომელიმე სანქციას რუსეთის წინააღმდეგ, მათ შორის SWIFT-დან გათიშვას.
"ახლახანს ვესაუბრე უნგრეთის ელჩს. უნგრეთი არ დაბლოკავს რომელიმე სანქციას რუსეთის წინააღმდეგ, მათ შორის SWIFT-ის სისტემიდან გათიშვას", - წერს ის.
მანამდე უკრაინის პრეზიდენტის ვოლოდიმირ ზელენსკიმ განაცხადა, რომ რუსეთის SWIFT-დან გათიშვას ეტანხმება საფრანგეთიც. ამ თემაზე ზელენსკი საფრანგეთის პრეზიდენტ ემანუელ მაკრონს ესაუბრა და მას მხარდაჭერისთვის მადლობა გადაუხადა.
Swift საერთაშორისო ბანკთაშორის ფინანსური ტელეკომუნიკაციის საზოგადოებაა. რუსეთის SWIFT ფინანსური სისტემიდან გამორიცხვა ერთ-ერთი ყველაზე მკაცრი ფინანსური სანქცია იქნება, რაც რუსეთს ჩამოაშორებს საერთაშორისო ფინანსურ ტრანზაქციებს. ის ვეღარ მიიღებს ისეთ ფინანსურ ტრანზაქციებს, როგორსაც ნავთობისა და გაზის წარმოებიდან/ექსპორტიდან, მოგების სახით იღებდა.
24 თებერვალს რუსეთმა უკრაინაში ომი დაიწყო. თვალი ადევნეთ უკრაინაში მიმდინარე მოვლენებს აქ - რუსეთმა უკრაინაში ომი დაიწყო - განახლებადი.