საქართველოს პრეზიდენტი, სალომე ზურაბიშვილი 11 სექტემბრის ტერაქტის მე-19 წლისთავს Twitter-ზე ეხმაურება და აცხადებს, რომ ქართველი ხალხი ამერიკის გვერდით აგრძელებს საერთაშორისო უსაფრთხოებისა და მშვიდობისათვის ბრძოლას.
"19 წლის წინ, 11 სექტემბრის თავდასხმებმა შეძრა ამერიკა და სრულიად მსოფლიო. დღეს, ჩვენ პატივს მივაგებთ ისტორიის ერთ-ერთი ყველაზე შემზარავი ტერორისტული აქტების მსხვერპლთ. 19 წლის შემდეგაც, ქართველი ხალხი ამერიკის გვერდით დგას და განაგრძობს საერთაშორისო უსაფრთხოებისა და მშვიდობისათვის ბრძოლას", - წერს პრეზიდენტი.
19 years ago, the attacks on 9/11 shook America and the entire world. Today, we remember the victims of one of history’s most heinous acts of terrorism. 19 years later, the people of Georgia continues to stand with America and to fight for international security and peace.
11 სექტემბრის ტრაგედიიდან 19 წელი გავიდა. ტერაქტი, რომელმაც 3 ათასი ადამიანის სიცოცხლე იმსხვერპლა, შეერთებული შტატების ისტორიაში ყველაზე მასშტაბურ ტრაგიკულ მოვლენად რჩება.
19 წლის წინ, ტერორისტული დაჯგუფების ალ-ქაიდას 19-მა წევრმა 4 სამგზავრო თვითმფრინავი გაიტაცა. პირველი თვითმფრინავი მსოფლიო სავაჭრო ცენტრის შენობას დილის 8 საათსა და 46 წუთზე შეეჯახა. დაღუპულებს შორის 343 მეხანძრე, 23 პოლიციელი და 37 სატრანსპორტო კომპანიის თანამშრომელი იყო.
დახურვა