ვაგნერის დამფუძნებელი, ევგენი პრიგოჟინი ამბობს, რომ ჩაბარებას არავინ აპირებს. მასთან დაკავშირებულ ტელეგრამარხებზე მორიგი აუდიოჩანაწერი გაჩნდა.
"სამშობლოს ღალატთან დაკავშირებით პრეზიდენტი ღრმად შეცდა. ჩვენ სამშობლოს პატრიოტები ვართ, ვიბრძოდით და ვიბრძოლებთ, და არავინ აპირებს ჩაბარებას პრეზიდენტის, FSB-ს ან ვინმეს მოთხოვნით. იმიტომ, რომ არ გვინდა, რომ ქვეყანამ კორუფციაში, ბიუროკრატიასა და ტყუილში იცხოვროს", - განაცხადა პრიგოჟინმა.
ევგენი პრიგოჟინმა რუსეთის თავდაცვის სამინისტრო კერძო სამხედრო კომპანია ვაგნერის ბანაკების დაბომბვასა და მებრძოლების მკვლელობაში დაადანაშაულა.
პრიგოჟინმა დაიმუქრა, რომ "ბოროტებას შეაჩერებს". მისი სიტყვები სამხედრო გადატრიალების მცდელობად აღიქვეს.
თვითონ პრიგოჟინი ამტკიცებს, რომ ეს არა სამხედრო გადატრიალება, არამედ "სამართლიანობის მარშია".
პრიგოჟინის სიტყვების დამოუკიდებლად გადამოწმება შეუძლებელია. რუსეთის თავდაცვის სამინისტრო ბრალდებებს უარყოფს. უსაფრთხოების სამსახურმა შეიარაღებული აჯანყების მოწოდებაზე გამოძიება დაიწყო.
დახურვა